I bin da Ritsch, kimm aus da Hollerdau, bin a 66ger Johrgang und von Beruf Rundfunkredakteur.

Seit fast 50 Johr spui i Quetschn, aber net den volkstümlichen Schmarrn, den de "Alleinunterhalter" immer mit eahnane Kibords spuin, sondern a bodenständige boarische Muse.

Bühnenerfahrung hob i außer natürlich in Nieder- und Oberbayern aa no in Seattle/Washington, Portland/Oregon, Missoula/Montana, Sun Valley/Idaho, Vancouver/Canada, Pretoria und Johannesburg/Südafrika. (spui eiso aa für a internationals Publikum)

I spui Eich mit meiner Quätschn a scheene, boarische Volksmuse, sing dazua und mach Eich auf Wunsch sogor passade Gstanzl.

Außerdem konn I für Eich aa sonstige Gedichtl - in Mundart oder aa net - schreibn oder aa vortroogn.

Für weihnachtliche Lesungen kennts mi genauso hom wia für Starkbierfeste.

No irgendwelche Fragen ???